जनताको ताजा जनादेश लिन आउदो बैशाख १७ र २७ गते अनिवार्य चुनाव हुने–प्रधानमन्त्री केपी शर्मा ओली

 

बिराटनगर फागुन ८ गते । रातो तारा डट कम,प्रधानमन्त्री तथा नेपाल कम्युनिस्ट पार्टी नेकपाका अध्यक्ष केपी शर्मा ओलीले बिराटनगरमा भएको बिसाल चुनावी जनसभालाई सम्वोधन गर्नु हुदै,आफनै पाटीका केहिले राजनीतिक बाटो छेकेर जनबिरोधी र राष्ट्रको स्वाबिमान बिरोधी राजनीति गर्न थालेकाले संसद बिगठन गर्नु परेको कुरा बताउनु भएकोछ । 

चुडिएका नेताहरुले देश र जनताको पक्षमा कहिले नबोलेको भन्दै, पाटीले चुनेर राखेको सभामुखले किर्ते सासहरुको दस्तखत गरि सरकारको बिरुद्धमा मुद्धा लगाएको भए पनि आफुहरु त्यस्तो गलत बाटो तर्फ नजाने समेत जनसभालाई बिराटनगरमा बताउनु भएकोछ ।

केहि साथिहरुले जनताको बिकास निमार्ण र अभिमतलाई असर पार्न खोजे पछि सरकारले संसद बिगठन गरेर चुनावमा होमि सकेको ले चुनाव आउदो बैशाख १७ र २७ मा जनताको ताजा जनादेश लिन अनिवार्य चुनाव हुने भएकाले सोही अनुरुप काम गर्न सबै निकाय निर्वाचन आयोग राजनीतिक पाटीहरुलाई समेत आग्रह गर्नु भएकोछ ।

अहिले पुष्पकमल दाहाल प्रचण्ड समुह गलत बाटोमा हिडेको आरोप लगाउनुभएको छ । आज विराटनगरमा भएको जनसभालाई सम्बोधन गर्दै प्रधानमन्त्री ओलीले प्रचण्ड समूह अब सकिएको आरोप लगाउनुभयो । पहिले बैद्यसँग हुनुहुन्थ्यो, बैद्यबाट डाक्टर, डाक्टरबाट झाँक्रीमा पुग्नुभएकोछ । प्रधानमन्त्री ओलीले भन्नुभयो, प्रचण्डको त मलाई माया लाग्छ । उहाँले अझै पनि प्रचण्ड–नेपाल समूहलाई आफुतिर फर्किन आग्रह गर्नुभयो । सरकार विकासको गतिमा दृढ रहेको बताउँदै उहाँले जसले जे भनेपनि देशको स्वाबिमान जनताको बिकास निमार्णमा आफू अगाडी बढ्न नछोड्ने बताउनुभयो । 

त्यसैगरी गृहमन्त्री राम बहादुर थापाले प्रचण्ड र नेपाल समूह आतंकित र भयभित भएको बताउनुभएको छ । सोही कार्यक्रममा गृहमन्त्री थापाले प्रचण्ड र नेपाल समूहले केही मन्त्रीहरु आफूहरुसँग फर्किन लागेको भन्ने अभिव्यक्ति उनीहरुको आतंकित र भयभित मानसिकताको उपज भएको बताउनु हुदै वहाहरुले भ्रम फैलाएको आरोप लगाउनुभयो  ।             

संविधान सभा अध्यक्ष तथा पुर्व सभामुख नेकपा का नेता सुवास नेम्वाङले झन्डै दुई तिहाइ बहुमतको प्रधानमन्त्रीले काम गर्न नपाएपछि संसद भंग गरेको बताएका छन् ।

आज विराटनगरमा आयोजित जनसभालाई सम्बोधन गर्दै उनले सो कुरा बताएका हुन् । नेता नेम्वाङले उनले देशव्यापी रुपमा जनताले निर्वाचनलाई अनुमोदन गरिसकेको दाबी गर्दै जनताले निर्वाचन चाहेको समेत बताए ।

देशव्यापी रुपमा जनता निर्वाचनमा लागेको बताउदै नेता नेम्वाङले सर्वोच्चअदालतको फैसलापर्खिरहेकाबताए । सर्वोच्च अदालतमा बहस सकिएको र फागुन ११ देखि १५ गतेभित्र फैसला आउने उनले बताए ।

सवौच्चको विचाराधीन मुद्दामा आफू केही नबोल्ने बताएका उनले घुमाउरो भाषामा संसद पुनस्र्थापना नहुने संकेत गरे ।

प्रतिनिधिसभा विघटन गर्न पाइन्छ कि पाइन्न भन्ने कुरा उठाएकोे उल्लेख गर्दै उनले राष्ट्रपतिलाई विवादमाल्याउन खोजिएकोबताए ।   कार्यक्रममा विभिन्न नेतहरूले पनि आ-आफना धारणा  राख्नु भएको थियो।