Websoft University

मौसम बदली भएकाले चिसो बड्यो


काठमाण्डौ पुस २७ गते । रातो तारा डट कम,जल तथा मौसम पूर्वानुमान महाशाखाले आज काठमाडौं उपत्यकासहित एक दुई स्थानमा हल्का वर्षा हुने सम्भावना रहेको बताएको छ । मौसम पूर्वानुमान महाशाखाका मौसमविद् प्रतिभा मानन्धरका अनुसार आज दिउँसो प्रदेश १, प्रदेश २, बागमती प्रदेश र गण्डकी प्रदेशमध्ये एक–दुई स्थानमा हल्का वर्षाको सम्भावना देखिएको छ । सम्भावित स्थानमा काठमाडौं उपत्यका पनि रहेको भन्दै उहाँले उल्लिखित प्रदेशभरमा एक दुई स्थानमा हल्का वर्षा हुने सम्भावना देखिएको बताउनुभयो । उहाँका अनुसार नेपालमा अहिले उल्लेखनीय मौसमी प्रणाली छैन तर अहिलेको मौसम बदली स्थानीय वायुको प्रभावले भएकोहो । आज तराईका भूभागमा बाक्लो हुस्सु र कुहिरोको सम्भावना छ । देशका अन्य भूभागमा मौसम सामान्यतया सफा रहनेछ । रातको समय प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशमा आंशिकदेखि सामान्य बदली रही एक दुई स्थानमा हल्का वर्षाको सम्भावना छ । देशका अन्य भूभागमा मौसम सामान्यतया सफा रहने बताइएको छ । 


 



Post a Comment

MKRdezign

Contact Form

Name

Email *

Message *

Powered by Blogger.