पाथीभरा मन्दिरसम्म पुगेको डढेलो नियन्त्रणमा आउदै

काठमाण्डौ पुस १४ गते । रातो तारा डट कम,ताप्लेजुङको पाथीभरा मन्दिरसम्म पुगेको डढेलो नियन्त्रणमा आएको छ । तर, जंगलको डढेलो नियन्त्रणमा आएको छैन । मन्दिर भने तत्कालका लागि सुरक्षित भएको छ । मन्दिर आसपासको जङ्गल क्षेत्रमा गएको बिहीबारदेखि सुरु भएको डढेलो मन्दिर परिसरमै पुगेपछि हिजो हेलिकप्टरबाट पानी खन्याएर आगो निभाएको थियो । 

हेलिकप्टरले जोरपोखरीबाट पानी लगेर मन्दिर परिसरको आगो निभाएको हो । आसपास रहेको जङ्गलको ठूलो क्षेत्रमा आगलागी भइरहेकोले निभाउन कठिन भएको प्रहरीले जानकारी दिएको छ । आज पनि हेलिकोप्टरबाट पानी खन्याएर आगो नियन्त्रण गर्न ेतयारी छ । स्थानीयसहित नेपाली सेना, नेपाल प्रहरी र सशस्त्र प्रहरीको टोलीले प्रयास गरिरहेको भए पनि आगलागी नियन्त्रणमा आउनसकेकोछैन । शनिबार साँझदेखि आगलागी आंशिकरूपमा नियन्त्रणमा आए पनि हिजो सोमबार बिहान एक्कासी फैलिएर मन्दिरपरिसरमा नै पुगेकोथियो । रेडियो ताप्लेजुङ