बेलबारीले गर्यो कृषकलाई औजार बितरण

बेलबारी असार १४ गते । रातो तारा डट कम, मोरङको बेलबारी नगरपालिकाले नगरपालिकाभित्रका किसानलाई मिनिटिलर तथा मकै छोडाउने थ्रेसर बितरण गरेको छ । कृषिलाई यान्त्रिकरण गर्दै कृषि उत्पादन तथा उत्पादकत्व बृद्धि गर्न सहयोग गर्ने उदेश्यले कृषक तथा समुहलाई अनुदानमा औजार बितरण गरिएको हो ।

एक कार्यक्रमका विच कृषकहरुलाई नगरप्रमुख ज्ञानेन्द्र सुवेदीले कृषकहरुलाई कृषि  औजार बितरण गरेका हुन । 

बेलबारी नगरपालिकाको ५० प्रतिशत र कृषकको ५० प्रतिशत साझेदारीमा नगरभित्रका १६ जनालाई मकैछोडाउने थ्रेसर मेसिन तथा ५ जनालाई मिनिटिलर बितरण गरीएको नगर प्रमुख ज्ञानेन्द्र सुवेदीले बताए । नगरका विभिन्न वडाका कृषक समूह छनोट गरी खेतबारी जोत्ने मिनिट्रयाक्टर तथा थ्रेसर बितरण गरीएको हो । 

परम्परागत खेतिलाई आधुनिक खेतिमा रुपान्तरण गर्दै लगिएको नगर प्रमुख सुवेदीले बताउन भएको छ । केहि दिन अघि मात्रै सिचाइका लागि पानि तान्ने मोटरहरु नगरपालिकाले बितरण गरेको थियो ।