सुन्दरहरैचामा एकै परिवारका चार जनामा कोरोना पुष्टि

शिव भट्टराई,मोरङ । रातो तारा डट कम,मोरङको सुन्दरहरैचा नगरपालिकामा थप चार जनामा कोरोना पुष्टि भएको छ । क्वारेन्टाइनमा बसिरहेका एकै परिवारका ४ जनामा कोरोना संक्रमण भेटिएको हो । 

चार जना मध्ये एक जना ५ वर्षका बालक , एक जना ७ वर्षकी बालिका, एक जना ३२ वर्षका पुरुष र एक जना ३६ वर्षकी महिला रहेकी छिन । उनीहरु बाबु, आमा, छोरा र छोरी हुन् । सुन्दरहरैचा नगरपालिकाको जनस्वास्थ्य शाखा अधिकृत मचिन्द्र बस्नेतका अनुसार संक्रमित चारै जनालाई आएसोलेसनमा राख्न धरान पठाइएको छ । उनिहरु केही दिन अघि भारतबाट आएका थिए । 

उनिहरु सबै जनाको स्वास्थ्य अवस्था सामान्य रहेको छ । बस्नेतका अनुसार संक्रमित सबै जना सुन्दरहरैचा नगरपालिका वडा नम्बर ९ का हुन् । यो संगै सुन्दरहरैचा नगरपालिकामा कोरोना संक्रमित हुनेको संख्या ७ पुगेको छ । जसमध्ये १ जना निको भएर घर फर्किसकेका छन् ।