मेडिकल सामग्री चीनबाट नेपाल आइपुग्यो

काठमाण्डौ चैत १६ गते । रातो तारा डट कम, कोरोना भाइरसको सङ्क्रमण रोक्न र उपचार गर्न चीनबाट पठाइएको आवश्यक स्वास्थ्य सामग्री काठमाडौँ आइपुगेको छ । आवश्यक स्वास्थ्य सामग्री चीनबाट लिएर नेपाल एयरलाइन्सको हवाईजहाज आज बिहान काठमाडौँ आइपुगेको हो । हिजो मध्यान्ह् चीन गएको जहाज आज बिहान साढे पाँच बजे त्रिभुवन अन्तर्राष्ट्रिय विमानस्थलमा अवतरण गरेको थियो । कोरोना परीक्षण किट, स्वास्थ्यकर्मीहरूले सुरक्षाका लागि लगाउने विशेष प्रकारको पोशाक (पीपीई) लगायतका सामग्री लिएर वाइडबडी जहाज काठमाडौँ आएको हो । यी सामग्रीलाई आजैदेखि प्रदेश तथा स्थानीय तहसम्म पु¥याउन सरकारले सुरु गर्ने जनाएकोछ ।