अध्यक्षको कार्यकक्ष प्रवेशद्धारमा सोमबार शंकास्पद वस्तु भेटियो

श्याम राई उदयपुर गाइघाट माघ १३ गते । रातो तारा डट कम,

उदयपुरको लिम्चुङबुङ गाउँपालिकाका अध्यक्षको कार्यकक्ष प्रवेशद्धारमा सोमबार शंकास्पद वस्तु फेला परेको छ । 

अध्यक्ष मेजरकुमार राईको कार्यकक्षको ढोकाको दायाँपट्टी हाते झोलाभित्र कुकर र तार जडित मोवाईल भुईमा राखिएको अवस्थामा भेटिएको हो । कार्यालय खुलेपछि कर्मचारीहरु प्रवेश गर्नेक्रममा उक्त बस्तु भेटिएको लिम्चुङबुङ गाउँपालिकाका प्रेस संयोजक दिनेश राईले बताए ।

शंकास्पद बस्तु फेला परेलगत्तै कर्मचारी त्रसित छन् ।  गाउँपालिकाका अध्यक्ष राईले भने आफु कार्यक्रमको सिलसिलामा कार्यालय बाहिर रहेकाले टेलिफोनमार्फत जानकारी पाएको बताए । 

घटनास्थल सदरमुकाम गाईघाटबाट सवारीसधानमार्फत एक दिनको दुरीमा पर्ने गर्दछ । इलाका प्रहरी कार्यालय लिम्चुङ्गबुङ्ग भने घटनास्थलबाट ५० मिटरको फरकमा रहेको छ । खवर पाए लगत्तै नेपाली सेनाको १८ नंम्बर बाहीनीबाट डिस्पोजलटोली र जिल्ला प्रहरी कार्यालयका डिएसपी हरिकृष्ण केसीको नेतृत्वमा थप सुरक्षाफौज परिचालन गरिएको एसपी विरबहादुर बुढामगरले जानकारी दिए।

शंकास्पद बस्तुको जिम्मा अहिलेसम्म कसैले लिएको छैन् । यधपि यो क्षेत्र भौगोलिक विकटता र सुरक्षा निकायको न्युन उपस्थिति रहने हुँदा नेपाल कम्युनिष्ट पार्टी (विप्लव) समुहले सकृयता बढाउँदै आएको क्षेत्र हो ।