चिसोले तराइमा जनजीवन कष्टकर बन्दै,

काठमाण्डामै पुस १५ गते । रातो तारा डट कम,विगत दुईसाता देखी शीतलहरसँगै बढेको अत्यधिक चिसोका कारण रौतहट लगायत अन्य जिल्लाको जनजीवन प्रभावित भएको छ । अत्याधिक चिसो बढेर गएको ६ दिनदेखी घाम नलाग्दा यहाँका नागरिक प्रभावित भएका छन् । विहान र बेलुका बाक्लो मात्रामा लाग्ने गरेको हुस्सु र चल्ने गरेको चिसो हावाले रौतहटको शहर बजारहरुमा मानिसको चहल पहल समेत कम भएको छ । अत्याधिक चिसोका कारण जिल्लाको गौर लगाएतका ठाउँमा रहेको सरकारी कार्यालयहरुमा समेत सेवाग्राहीको संख्या घटेको छ भने यातायातका साधन पनि धेरै कम सञ्चालन भएको छ । चिसोले गर्दा अत्यावश्यक काम बाहेक मानिसहरु घर बाहिर निस्किन छाडेका छन् ।