विराटनगरको खानेपानी समस्या समधानका लागि जाइका प्रतिनिधि संग गर्यो महानगरले छलफल

 

मोरङ चैत १ गते । रातो तारा डट कम,विराटनगरमा स्वच्छ खानेपानी व्यवस्थापनका विषयमा विराटनगर महानगर र  जापान अन्तराष्ट्रिय सहयोग नियोग जाइकाका प्रतिनिधिहरु वीच शुक्रवार विराटनगरमा छलफल भएको छ । 

विराटनगरको खानेपानी र यसका सम्भाव्यता र स्थानका विषयमा छलफल भएको हो । जाइकाले महानगर भित्र आबश्यक जग्गाको प्रबन्ध सहित शहरको अवस्था अध्ययन गर्ने समय दिन अनुरोध गरेको छ । मेयर भीम पराजुलीले नगरवासीहरुलाई शुद्धखानेपानीको प्रबन्ध मिलाउन जाइकासंग समन्वय र सहयोग मागिएको बताए ।

उनले जाइका संगको सहकार्यमा  महानगरभित्र १ घर १ धाराको अबधारणा अनुरुप काम गर्न लागिएको जानकारी दिए ।  जाइकाको प्रतिनिधि मण्डलका प्रोग्राम एडभाइजर ताकासी साइकीले विराटनगरको खानेपानि अवस्था अध्ययन सहित काम गर्न इच्छुक रहेको बताए ।  विराटनगरमा अहिले खानेपानीको अबस्था अत्यन्त दयनिय रहेको छ ।

 ५६ वर्ष अगाडी गाडिएका खानेपानीको पायपहरु प्रायः लिक भएका छन् भने शुद्ध खानेपानी नहुँदा महानगरवासी प्रताडित बन्न पुगेका छन् ।