बसको ठक्करबाट मोटरसाईकलमा सवार २ घाइते

(फायलफोटो)
झापा, कार्तिक १२ गते । रातो तारा डट कम,
झापाको शिवसताक्षी नगरपालिका-८ स्थित राजमार्गमा आइतबार बसको ठक्करबाट मोटरसाईकलमा सवार २ जना घाइते भएका छन् । पूर्वबाट पश्विम तर्फ जाँदै गरेको ना ४ ख २७११ नम्बरको बसले बिपरित दिशाबाट आउँदै गरेको बा ७४ प ९८७४ नम्बरको मोटरसाइकललाई साँझ ६ बजे ठक्कर दिएको थियो ।

बसको ठक्करबाट मोटरसाइकलका चालक सोही नगरपालिका बस्ने बर्ष २५ को सिताराम बराल र मोटरसाइकलको पछाडी सवार बर्ष ३२ को किशोर खरेल घाइते भइ उपचारको लागि वि.एण्ड. सी. अस्पताल बिर्तामोड पठाइएको इलाका प्रहरी कार्यालय झिलझिलेले जनाएको छ । बस र चालकलाई प्रहरीको नियन्त्रणमा राखिएको उक्त कार्यालयले जनाएको छ ।