बस दुर्घटना हुँदा ४ घाइते

(फायलफोटो)

मोरङ, आश्विन १४ गते । रातो तारा डट कम,
मोरङको कानेपोखरी गाउँपालिका- २ स्थित कालीस्थानमा आईतबार दिउँसो बस दुर्घटनामा परि ४ जना घाइते भएका छन् ।

भित्री सडक खण्डमा रंगेलीबाट कानेपोखरी तर्फ आउँदै गरेको को १ ख ३११६ नम्बरको यात्रुबाहक बस आँफै अनियन्त्रित भई सडकबा १० फिट तल खेतमा खसेको थियो । दुर्घटनामा परि बसमा सवार उर्लाबारी नगरपालिका-८ बस्ने बर्ष ४० की कमला भण्डारी, कानेपोखरी गाउँपालिका-४ बस्ने बर्ष ३८ को कार्तिकलाल राजबंशी, कानेपोखरी गाउँपालिका-२ बस्ने बर्ष २४ की अनिता राजबंशी र बर्ष १८ की देबिका चौधरी घाईते भएका हुन् । उनीहरुको अवस्था सामान्य छ ।

घाइते चारैजनाको स्थानीय मेडिकल रमाईलोमा उपचार भईरहेको छ भने बसका चालक फरार रहेकाले खोजी कार्य भईरहेको ईलाका प्रहरी कार्यालय पथरीले जनाएको छ ।