६७ हजार ४ सय रुपैया बराबरको अवैध समान बरामद

मोरङ, भाद्र १३ गते । रातो तारा डट कम,ईलाका प्रहरी कार्यालय रानीले मंगलबार ६७ हजार ४ सय ३० रुपैया बराबरको अवैध समान बरामद गरी भन्सार बुझाएको छ ।

सीमावर्ती क्षेत्रमा हुने तस्करी नियन्त्रण अभियान अन्तरगत उक्त कार्यालय तथा अस्थायी प्रहरी पोष्ट मटेरुवाबाट
खटिएको टोलीले मंगलबार भारतबाट भन्सार छलेर ल्याएको स्पोर्टस जुत्ता-४० जोर, सेन्डो भेष्ट-६० पिस खाद्यान्न र हरियो तरकारी बरामद गरेको छ ।

समानसंगै तस्करीमा प्रयोग भएको ७ वटा साइकल समेत नियन्त्रणमा लिई मंगलबार विराटनगर भन्सार कार्यालयमा बुझाईएको छ ।