झापा गोल्डकपमा आज त्रिभुवन आर्मी र रुपन्देही ११ बीच खेल हुदै

झापा, माघ १८ गते । झापा गोल्डकप फुटबल प्रतियोगितामा आज त्रिभुवन आर्मी क्लब र रुपन्देही ११ बीच खेल हुदैछ । झापाको बिर्तामोडमा जारी दोस्रो संस्करणको रमपम झापा गोल्डकप फुटबल प्रतियोगिताअन्तर्गत आज हुने  खेल डोमालाल राजवंशी रङ्गशाला बिर्ताबजारमा दिउँसो २ः३० बजेदेखि सुरु हुनेछ ।

जीत निकालेर सेमिफाइनल पुग्ने लक्ष्यका साथ यी दुई टोली मैदान उत्रनेछन् । आर्मी अघिल्लो संस्करणको झापा गोल्डकपको च्याम्पियनसमेत हो । आर्मी राष्ट्रिय खेलाडीले भरिएको टोली हो । आर्मीका खेलाडी भरत खवास, नवयुग श्रेष्ठ, विकेश कुथु लगायतको खेल हेर्न आज दर्शकको सङ्ख्या बढ्ने अपेक्षा गरिएको छ।

एक विदेशीसहित १० टिमको सहभागिता रहेको प्रतियोगिताको बिजेताले नगद सात लाख रुपैयाँ र ट्रफी तथा उपविजेताले नगद तीन लाख ५० हजार रुपैयाँसहित ट्रफी पाउनेछन् । मोफसलकै सर्वाधिक पुरस्कार राशिको यो प्रतियोगिता माघ २४ गतेसम्म चल्नेछ