टिपरको ठक्करबाट एक दम्पतीको मृत्यु

बिराटनगर, पुुस १३ गतेे ।
पूर्वपश्चिम राजमार्ग अन्तर मोरङको बयरवन–९ मा आज बिहान टिपरको ठक्करबाट मोटरसाइकल चालक र उनकी श्रीमतीको ज्यान गएको प्रहरीले जनाएको छ ।

बिहान साढे ६ बजेतिर पूर्वबाट पश्चिम जाँदै गरेको नम्बर नखुलेको टिपरले विपरीत दिशाबाट आउँदै गरेको को२२प ४३८४ नंको मोटरसाइकललाई ठक्कर दिँदा मोटरसाइकल चालक मोरङ पथरीशनिश्चरे–८ स्थित भुटानी शरणार्थी शिविरमा बस्ने ४५ वर्षीय धनकुमार राई र उनकी ३५ वर्षीया पत्नी विष्णुमायाको ज्यान गएको हो ।

धनकुमारको घटनास्थलमै र मोटरसाइकलको पछाडि सवार विष्णुुमाया गम्भीर घाइते भएकाले धरानस्थित बिपी कोइराला स्वास्थ्य विज्ञान प्रतिष्ठानमा उपचारका क्रममा साढे ८ बजे निधन भएको इलाका प्रहरी कार्यालय पथरीका प्रहरी नायब निरीक्षक राजकुमार बस्नेतले जानकारी दिए । ठक्कर दिने टिपरसहित त्यसका फरार चालकको खोजी भइरहेको छ ।