भरुवा बन्दुकसहित पक्राउ

धनकुटा, मंसिर २३ गते।
धनकुटाको चुङबाङ गाविसबाट बिहिबार भरुवा बन्दुकसहित एक जना पक्राउ परेका छन्।

विशेष सुचनाका आधारमा चुङ्बाङ ६ का रामलाल सिंह तामाङको घरबाट एक थान अवैध भरुवा बन्दुकसहित उनलाई नियन्त्रणमा लिइएको जिल्ला प्रहरी कार्यालय धनकुटाले जनाएको छ।

तामाङले गाउँ घरमा भरुवा बन्दुक पडकाउदै हिड्ने गरेको भन्ने विशेष सुचनाका आधारमा प्रहरी चौकी हिलेको टोलीले बिहिबार बिहान उनको घर खानतलाशी गरेका थिए। तामाङलाई आवश्यक अनुसन्धानकालागी जिल्ला प्रहरी कार्यालयमा राखिएको छ।