एक लाख रुपैयाँको प्रेस चौतारी पुरस्कार कोष स्थापना

इलाम  पुस, २५ गते ।
प्रेस चौतारी इलामले एक लाख रुपैयाँ पुरस्कार राशीको
प्रेस चौतारी पुरस्कार कोष स्थापना गरेको छ।
प्रत्येक वर्ष एक जना पत्रकारलाई पुरस्कृत गर्ने गरी एक
लाख रुपैयाँ कोष स्थापना गरिएको हो।

 सोही कोषको ब्याजले चौतारीको स्थापना दिवसका अवसरमा जिल्लाका एक जना पत्रकारलाई पुरस्कृत गरिने अध्यक्ष कोकिला ढकालले जानकारी दिइन्। कोषमा अहिले ४३ हजार रुपैयाँ बैंकमा जम्मा गरिएको छ।

चमैतास्थित सहिद रत्नकुमार वान्तवाको पुर्ख्यौली घरमा गत पुस १ गते आयोजना गरिएको श्रमदान कार्यक्रममा २६ हजार तथा विभिन्न दाताबाट सङ्कलित गरी ४३ हजार रुपैयाँ कोषका लागि बैंकमा जम्मा गरिएको अध्यक्ष ढकालले जानकारी दिइन्।