![](https://scontent-nrt1-1.xx.fbcdn.net/v/t1.0-9/13600084_820285641439395_9031266055631467990_n.jpg?oh=f8194f08a7ee84e896b8fee137acafbc&oe=582CD9A9)
मंगलबार साँझ स्वास प्रश्वासमा समस्या देखिएपछि महामन्त्री कोइरालालाई उपचारका लागि काठमाडौंको चावहिलस्थित ओम अस्पतालमा भर्ना गरिएको हो । उहालाई बेलुका ८ बजे अस्पतालमा भर्ना गरिएको हो ।
अस्पतालमा भर्ना गरिँदा उहाको रक्तचाप कम देखिएको भए पनि राति अनाचक वान्ता भएको र त्यसपछि अचेत अवस्थामा भेन्टिलेटरमा राखेर उपचार सुरु गरिएको अस्पतालले जनाएको छ ।
अस्पतालले आज पत्रकार सम्मेलन गरी उनको उपचारमा १२ जना चिकित्सकको टोली खटिएको जानकारी दिएको छ । अस्पतालका कार्डियोलोजिस्ट डा. लवनरसिंह जोशीले कोइरालालाई निमोनियाको समस्या देखिएको र प्रेसर पनि कमजोर रहेको बताउनु भयो ।
महामन्त्री कोइरालाको स्वास्थ्यमा सुधार नआए आजै एयर एम्बुलेन्समार्फत् उपचारका लागि भारत लैजाने तयारीसमेत भएको छ ।
कोइराला अस्वस्थ भएर उपचारका लागि अस्पतालमा भर्ना गरिएपछि प्रधानमन्त्री केपी शर्मा ओली पनि स्वास्थ्यअवस्थाबारे जानकारी लिन अस्पताल पुग्नु भएको थियो ।
त्यसैगरी कांग्रेस सभापति शेरबहादुर देउवा, वरिष्ठ नेता रामचन्द्र पौडेलसहितका नेता कार्यकर्ता पनि अस्पतालमा पुग्नु भएको छ । ओम अस्पतालमा कांग्रेसका नेता तथा कार्यकर्ताको ठूलो भीड लागेको छ ।
Post a Comment