विराटनगर असार १ , मोरङ जिल्लाको भौडाहा गाबिसमा एकजना सेवाग्राहीले गाविस कार्यालयमै झुन्डिएर आत्महत्या गरेपछि त्यहाको तनावग्रस्त बनेको छ । भौडाहा ८ का ५० वर्षीय चेइता सरदारको शव गाविस परिसरमै झुन्डिएको अवस्थामा मंगलबार साँझ फेला परेको थियो । चर्पी निर्माण गर्न सिमेन्टको रिङ लिन गएका चेइतालाई गाविस कार्यालयले रित्तै फर्काई दिएपछि उनले आत्महत्या गरेको गाउँलेहरुले बताएका छन् । यता गाविस सचिव इश्वर पोखरेलले भने गाउँलेहरुले लगाएको आरोप गलत भएको बताए । उक्त घटना घटेपछि स्थानीयबासीले गाविस कार्यालयमा आगजनी गरेर फर्निचर, कम्यूटर, कागजात जलाई दिएको जिल्ला प्रहरी कार्यालय मोरङले जनाएको छ ।
Post a Comment