सुनसरीमा २५ वटा उजुरी

इनरुवा  जेष्ठ ४ गते । स्थानीय शान्ति समिति सुनसरीमा २५ वटा उजुरी परेका छन् । बेपत्ता छानबिन आयोग र सत्यनिरुपण मेलमिलाप आयोगको केन्द्रीय सूचनाको आधारमा जिल्लामा २५ वटा उजुरी परेका हुन् । 

 शान्ति समितिमा १४ वटा बेपत्ता छानबिन र ११ वटा सत्यनिरुपणसम्बन्धी उजुरी परेको शान्ति समितिको कार्यालय इनरुवाले जनाएको छ । सरकारले छुट्टाछुट्टै आयोग बनाई उजुरी लिने व्यवस्था गरेकोमा उत्साहित बनेका द्वन्द्वपीडित हालै सत्ता गठबन्धन सरकारमा आबद्ध दलले गरेको नौबुँदे सहमतिपछि केही निरास देखिएका छन् ।



 न्याय दिन र सत्यको खोजी गर्न आएको आयोगले काम गर्ने क्रममा चुनौती रहेको बताइरहेको बेला नौबुँदे राजनीतिक सहमति आएपछि द्वन्द्वपीडित थप संशकित बनेका छन् ।

• पुर्बेली नीउज बाट