भवन शिलान्यास

श्याम राई, उदयपुर गाईघाट, १७ माघ  | त्रियुगा नगरपालिका–१२ स्थित त्रिवेणी टोलमा बन्न लागेको असहाय संरक्षण भबनको आज बुधबार एक कार्यक्रमबीच शिलान्यास गरिएको छ ।

त्रियुगा नगरपालिकाका मेयर बसन्त बस्नेतले भबनको शिलान्यास गरेकाहुन ।

बृद्ध आश्रम, बाल आश्रम र असाहय संरक्षण भबनको नाम दिइएको उक्त भबनको शिलान्यास गर्दै मेयर बस्नेतले समाजमा उपेक्षित बृद्धबृद्धा, वालवालिका र अपांगता र असहायको लागि भबन निर्माणले फाईदा पुग्ने बताए । उनले भबन निर्माणपछि आश्रममा बस्ने आउनेको लागि नगरपालिकाले सम्पूर्ण ब्यबस्था गरिदिने बताए ।

सघन शहरी तथा भबन निर्माण आयोजना सप्तरीको ६३ लाख १३ हजार ८४९ रुपैयाको लागतमा बन्न लागेको उक्त एक तल्ले भबन आगामी २०८१ जेष्ठ १५ गते भित्र निर्माणगरि सक्नेगरि एन्जल निर्माण सेवा एण्ड सप्लार्यस धनुषाले जिम्मा पाएको आयोजना कार्यालय सप्तरीले जनाएको छ ।