१२ वर्षमाथिका किशोरकिशोरीले खोप लगाउनेको सङ्ख्या ९२ प्रतिशत पुगे

काठमाण्डौ फागुन १६ गते । रातो तारा डट कम, नेपालमा १२ वर्षमाथिका किशोरकिशोरीले खोप लगाउनेको सङ्ख्या ९२ प्रतिशत पुगेको छ । उनीहरूले कोरोनाविरुद्धको पहिलो मात्रा खोप लगाएका छन् । जसमा ७४ प्रतिशतले पूर्ण मात्रा खोप लगाएका छन् । यस्तै १८ वर्ष माथिका ९३ प्रतिशतले पहिलो मात्रा र ७९ प्रतिशतले पूर्ण मात्रा खोप लगाएको स्वास्थ्य तथा जनसङ्ख्या मन्त्रालयले जनाएको छ । हालसम्म ३ करोड ६९ लाख ४३ हजार २४२ मात्रा खोप लगाइएकोमा १ करोड ८४ लाख ६९ हजार ४ सय ४५ पहिलो मात्रा, १ करोड ७२ लाख ८२ हजार १ सय ३८ पुर्ण मात्रा खोप लगाइएको छ । १० लाख ९१ हजारभन्दा धेरै बुस्टर मात्रा खोप लगाइएको छ ।