दशरथ रङ्गशालामा आज फुटवलका दुइ खेल हुने

 

काठमाण्डौ मंसिर ११ गते । रातो तारा डट कम, खेल समचार, सहिद स्मारक ‘ए’ डिभिजन लिग फुटबलको दोस्रो चरणको खेल अन्तर्गत आजपनि दुई खेलहरू हुँदैछन् । त्रिपुरेश्वरस्थित दशरथ रङ्गशालामा हुने पहिलो खेलमा च्यासल युथ क्लब र एपीएफ क्लबबीच प्रतिस्पर्धा हुनेछ । च्यासल र एपीएफबीचको खेल दिउँसो १ बजे सुरु हुनेछ ।

आजको खेलमा च्यासल पहिलो जितको खोजीमा हुनेछ । च्यासल अङ्कबिहीन रहँदै तालिकाको पुछारमा रहेको छ । यस्तै एपीएफ पनि पहिलो जितको खोजीमा हुनेछ । पहिलो खेलमा एपीएफ ब्रिगेड ब्वाइज क्लबसँग ३–२ गोल अन्तरले पराजित भएको थियो । एपीएफ अङ्कबिहीन रहदै ११ औं स्थानमा रहेको छ । लिग अन्तर्गत आजै हुने दोस्रो खेलमा मनाङ मर्स्याङ्दी क्लब र हिमालयन शेर्पा क्लबबीच प्रतिस्पर्धा हुनेछ । 

मनाङ र हिमालयनबीचको खेल ४ः४५ बजे सुरु हुनेछ । कीर्तिमानी आठ पटकको विजेता मनाङ लगातार दोस्रो जितको खोजीमा रहेको छ । पहिलो खेलमा मनाङले जावलाखेल युथ क्लबलाई १–० ले हराएको मनाङ ३ अङ्क जोडेर छैटौं स्थानमा रहेको छ । मनाङविरुद्ध मैदान उत्रदा हिमालयन पहिलो जितको खोजीमा हुनेछ । पहिलो खेलमा हिमालयनले सङ्कटा क्लबसँग १–१ गोलको बराबरी खेलेको थियो । हिमालयन १ अङ्क जोडेर सातौं स्थानमा रहेको छ ।