नेपालमा कोरोनाबाट ज्यान गुमाउनेको संख्या ६ हजार १५३ पुगे

काठमाण्डौ । रातो तारा डट कम, पछिल्लो २४ घण्टामा देशभर ८,८४८ जना कोरोना भाइरस संक्रमणमुक्त भएका छन् भने थप ८९८० जनामा पुष्टि भएको छ ।

मन्त्रालयका अनुसार २० हजार १०५ जनामा गरिएको परीक्षणमा ८९८० जनामा संक्रमण पुष्टि भएको हो । १९ हजार ३ सय ७५ जनाको पिसिआर परीक्षण गर्दा ८ हजार ५ सय ११ र ७ सय ४८ जनाको एन्टिजेन परीक्षण गर्दा ३ सय ८९ जनाको रिपोर्ट पोजेटिभ आएको स्वास्थ्य तथा जनसंख्या मन्त्रालयले जनाएको छ ।

यस्तै पछिल्लो २४ घण्टामा १२९ जनाले ज्यान गुमाएका छन् । यससँगै देशभर कोरोनाबाट ज्यान गुमाउनेको संख्या ६ हजार १५३ पुगेको छ ।