नेपालमा कोरोना सङ्क्रमणमुक्त हुनेको संख्या १ लाख नाघे

 

काठमाण्डौ कार्तिक ६ गते । रातो तारा डट कम नेपालमा कोरोना सङ्क्रमणमुक्त हुनेको संख्या १ लाख नाघेको छ । बितेको २४ घण्टामा ३ हजार २१५ जना कोरोना सङ्क्रमणबाट निको भएर डिस्चार्ज भएका छन् । योसँगै निको हुनेको  संख्या १ लाख २ हजार ८ सय २० पुगेको छ । बितेको २४ घण्टामा थप ३ हजार ६ सय ३७ जनामा सङ्क्रमण पुष्टि भएको छ । स्वास्थ्य तथा जनसंख्या मन्त्रालयले आज नियमित प्रेस ब्रिफिङ गर्दै हालसम्म पीसीआर विधिबाट १३ लाख ५० हजार १ सय ५२ परीक्षणहरु गरिएको जानकारी दिएको छ । बितेको २४ घण्टामा जम्मा १५ हजार २ सय ५५ पीसीआर परीक्षण भएका छन् । हालसम्म क्वारेन्टाइनमा रहनेको संख्या ३ हजार ७ सय ५१ रहेको मन्त्रालयले जनाएको छ ।