नेपालकोअधिकांश भूभागमा वर्षा हुने

काठमाण्डौं,फागुन १६ गते । रातो तारा डट कम,मौसम विभागका अनुसार अहिले देशैभर मौसम बदली भई अधिकांश भू भागमा वर्षा भइरहेको छ । पश्चिमी वायूको प्रभावका कारण देशको मध्य, पश्चिम र पूर्वी क्षेत्रमा हिमपात र वर्षा भइरहेको मौसमविद् सुजन सुवेदीले सीआईएनलाई बताउनुभयो । उहाँका अनुसार आज दिनभर देशका अधिकांश भू भागमा सामान्यदेखि मध्यम खालको वर्षा हुने छ । आज रातिदेखि पश्चिमी क्षेत्रको तराईको भूभागबाट विस्तारै मौसम सफा हुँदै जाने सुवेदीले जानकारी दिनुभयो  । रातिदेखि नै परेको वर्षाका कारण देशैभर चिसो बढेको छ । यता वर्षाका कारण काठमाडौं उपत्यका आसपासका डाँडामा हिमपातले गर्दा अत्यधिक चिसो महसुस गरिएको छ ।