थाईल्याण्डमा जारी आईसीसी महिला विश्वकप क्रिकेट खेलमा नेपालको जित

{फायल फोटो}
काठमाण्डौं फागुन १४ गते । रातो तारा डट कम,थाईल्याण्डमा जारी आईसीसी महिला विश्वकप क्रिकेट अन्तर्गत एसिया छनोटको पाँचौ खेलमा नेपालले चीनलाई पराजित गरेको छ । हिजोको खेलमा नेपालले चीनलाई ५ रनले हराएको हो ।

थाईल्याण्डको बैंककस्थित ट्रेडथाई क्रिकेट मैदानमा नेपालले दिएको ७८ रनको लक्ष्य सहित जवाफी ब्याटिङ गरेको चीनले पुरै२० ओभर खेल्दै ६ विकेट गुमाएर ७२ रन बनाउन सफल भए ।

 यसअघि टस हारेर पहिले ब्याटिङ गरेको नेपालले पुरै २० ओभर खेल्दै ९ विकेट गुमाएर ७७ रन बनाएको थियो । चीनमाथिको जित छनोटमा नेपालको चौथो जित हो ।

जितसंगै नेपालले ५ खेलबाट बाट ८ अंक जोडे छ  । र, नेपालले छनोटको शीर्ष स्थानमा रहेर ग्लोबल छनोटमा पुग्ने सम्भावना कायम राखेको छ । नेपाल तेस्रो स्थानमा समेत उक्लिएको छ ।  अब नेपालले कुवेतसंग बुधबार खेल्नेछ ।