सरकारले शान्ति–सुरक्षाको प्रत्याभूति दिन नसकेको सासदहरुकै गुनासो

काठमाण्डौं फागुन १५ गते । रातो तारा डट कम,सांसदहरुले सरकारले शान्ति–सुरक्षाको प्रत्याभूति दिन नसकेको गुनासो गरेका छन् । राष्ट्रियसभाको बैठकको शून्य समयमा सांसदले समाजमा मनोवैज्ञानिक त्रास उत्पन्न गराउने गरि एनसेलका टावरहरुमा भएको आक्रमण आपत्ति जनक भएको धारणा राखे ।

नागरिकलाइ शान्ति सुरक्षाको प्रत्याभूति दिन दोषीलाइ प्रक्राउ गरि कारवाही गर्नुपर्ने सांसदहरुको माग रहेको
छ । सांसद दीपा गुरुङले सो घटनाका मृतकको परिवारलाई उचित राहत तथा क्षतिपूर्ति दिन र आश्रित परिवारको शिक्षा, स्वास्थ्य र जीवनयापनको व्यवस्था गर्न माग गर्नुभयो ।

सांसद बद्री पाण्डेले समाजमा आतंक मच्चाउने र बम पड्काएर जनजीवन त्रस्त बनाउनेलाई कारबाही हुन नसकेको र दोषी पक्राउ पर्न नसकेकामा आपत्ति जनाउनु भयो ।