हुग्दीपुल नजिकै यात्रुवहाक बस दुर्घटना हुँदा ३१ जना घाईते–घाइतेको उपचार हुँदै

काठमाण्डौं,पुस २९ गते । रातो तारा डट कम,काठमाण्डौबाट बर्दियातर्फ जाँदै गरेको यात्रुवहाक बस धादिङको बेनी घाटरोराङ गाउँपालिका–९ हुग्दीपुल नजिकै आज बिहान दुर्घटना हुँदा ३१ जना घाइते भएका छन् ।

तिब्र गतिमा गुडेको बा २ ख ४६८३ नम्बरको बस मोडमा सडकमै पल्टिएर दुर्घटना भएको इलाका प्रहरी कार्यालय गजुरीले जनाएको छ । घाइतेको प्रहरीले उद्धार गरी राजमार्ग सामुदायिक अस्पताल मलेखु, गजुरी प्राथमिक स्वास्थ्य केन्द्रमा उपचार भइरहेकोछ ।

घाइतेमध्ये एक जनाको अवस्था गम्भीर रहेकाले थप उपचारका लागि काठमान्डौं पठाइएको छ ।