अवैध ढुङा, गिट्टी उत्खनन् गर्ने ५ वटा सवारी नियन्त्रणमा

मोरङ, भाद्र १४ गते । रातो तारा डट कम
मोरङ जिल्लाको केराबारी गाउँपालिका-८ स्थित खदम खोला र सोही गाउँपालिका-३ स्थित हचुवा खोलाबाट अवैध रुपमा ढुङा, गिट्टी निकाल्ने ५ वटा सवारी साधनलाई भाद्र १४ गते बिहिबार बिहान प्रहरीले नियन्त्रणमा लिएको छ ।

ईलाका प्रहरी कार्यालय बेलबारी र केराबारीबाट खटिएको टोलीले बिहिबार विहान ५:३० बजे केराबारी गाउँपालिका-८ स्थित खदम खोला र सोही गाउँपालिका-३ स्थित हचुवा खोलाबाट ढुङा, गिट्टी निकाल्दै गरेको अवस्थामा को १ त ९९८२, को २ त ७११७, को १ त ४२६६, को १ त २०२३ र एक वटा अन-टेष्ट ट्याक्टर नियन्त्रणमा लिएको हो ।

नियन्त्रणमा लिईएको सवारी साधनलाई ईलाका प्रहरी कार्यालय केराबारी र बेलबारीमा राखिएको छ भने ट्याक्टर चालकहरु ट्याक्टर छाडेर फरार भएकाले प्रहरीबाट खोजी कार्य भईरहेको छ ।