सुपर क्रिकेट कप’ एक दिवसिय प्रतियोगिता बिराटनगरमा हुने

विराटनगरर मंसिर १४ गते । रातो तारा डट कम,
सातौ संस्करणको ‘जेसीज प्रेसिडेन्ट सुपर क्रिकेट कप’ एक दिवसिय प्रतियोगितामा शनिबारदेखि विराटनगरको डिग्री क्याम्पसको खेल मैदानमा सुरु हुने भएको छ ।

विराटनगर जेसीजले बिहीबार विराटनगरमा पत्रकार सम्मेलन गरी एक दिवसीय क्रिकेट प्रतियोगिता हुने जानकारी गराएको हो । प्रतियोगितामा प्रतिष्ठित व्यापारिक र नाफामुकल संस्था बैंकहरुको सहभागि रहने विराटनगर जेसीजको अध्यक्ष श्यामसुन्दर पौडेल (मिलन) ले जानकारी दिए ।

उनका अनुसार प्रतियोगितामा ८ वटा संस्थाको सहभागि रहनेछ । प्रतियोगितामा हिमालयन बैंक, फूजिमा आयल, सारडा ग्रुप, कुमारी बैंक, एस.बी. आई बैंक, देबनारा ग्रुप, भन्सार ग्रुप र मनमोहन पोली टेक्निकल ग्रुपको सहभागि रहनेछ ।

शनिबार हुने प्रतियोगिताको पहिलो खेल फूजिमा आयल र देवनारा ग्रुप बिच प्रतिस्पर्धा हुने अध्यक्ष पौडेलले जानकारी दिए । प्रतियोगिताको बिजेता र उपविजेतालाई आकर्षण ट्रफी तथा प्रमाणपत्र प्राप्त गर्नेछन् । प्रतियोगिता सम्पन्न गर्न करिब तीन लाख रुपैयाँ खर्च हुने आयोजकले जनाएको छ ।