माओवादीको कानेपोखरी गाउँपालिकाको उमेद्वारी घोषणा

अर्जुन जम्नेली राई - पथरी- जेठ १५ गते । रातो तारा डट कम,नेकपा (माओवादी केन्द्र)ले मोरङको कानेपोखरी गाउँपालिकाको सोमबार बृहत कार्यक्रमको आयोजना गरी उमेद्वारी घोषणा भएको छ ।

रमाइलो बचत तथा ऋण सहकारी संस्थाको हलमा आयोजित कार्यक्रम मार्फत गाउँपालिकाको प्रमुखमा सुर्यबहादुर धिमाल, उपप्रमुखमा तारा ओझा (राजवंशी) लाई उमेद्वारी बनाउने घोषणा गरेको हो ।

त्यसैगरी १ देखि ७ नम्बरसम्म वडा अध्यक्षमा क्रमस वीरबहादुर कुवर, भोजवीर माझी, अम्बिकाप्रसाद दाहाल, टेकबहादुर तामाङ, बद्री पोख्रेल, अम्बिका अर्याल र नवीन राईको उमेद्वार घोषणा भएको हो ।

घोषणा सभामा पार्टी पोलिटब्यरो सदस्य तथा मोरङ जिल्ला ईन्चार्ज कुसल लिम्बू, जिल्ला सह संयोजक खेम भट्टराई (दिपक) किराती राष्ट्रिय मुक्ति मोर्चाको केन्द्रीय महासचिव अर्जुन किराती लगायतले शुभकामना मन्तब्य राखेका थिए।

प्रमुख पदका उमेद्वार सुर्य धिमाल पञ्चायत कालमा वडा अध्यक्ष र गाउँ पञ्चायतको समेत उपप्रधान पञ्च जितेर जनताको काम गरेको अनुभवी हुन् ।

उमेद्वारी घोषणापछि नारा उपस्थित नेता कार्यकर्ताले नारा जुलुस सहित रमाइलो बजार परिक्रमा गरी चौकमा आएर कोण सभा गरेका थिए ।