हत्यारा विष्णुकुमार डाँगालाई आजै सार्वजनिक

विराटनगर, चैत १८ गते । रातो तारा डट कम,
कटहरी–१ रंगेली रोड आदर्श टोलमा चैत ४ गते भएको सासु–बुहारीको हत्यामा संलग्न भएको आरोपमा डांगालाइ प्रहरीले पक्राउ गरेको छ ।दुवै जनाको हत्यामा संलग्न आरोपमा प्रहरीले भतिजा नाताका विराटनगर–१२ बस्ने विष्णुकुमार डाँगालाई पक्राउ गरी आजै सार्वजनिक गरेको छ ।

मृतकका श्रीमान तथा ससुरा इन्द्रचन्द डाँगाका भतिजा नाताका विष्णुलाई हत्यामा प्रयोग गरिएको हतियारसहित प्रहरीले पक्राउ गरी कर्तव्य ज्यान मुद्दा दर्ता गरी थप अनुसन्धान गरी रहेको बताएको छ ।

प्रहरीले हत्या भएको १५ दिनपछि हत्यामा संलग्नलाई पक्राउ गर्न सफल भएको छ । पक्राउ परेका विष्णुका साथबाट प्रहरीले हत्या भएकी बुहारी अस्मिताको हराएको मोबाइल, पेस्तोल र खोकासमेत फेला परेको छ ।  दुवै जनाको हत्यापछि प्रहरीले गरेको अनुसन्धानका क्रममा यो घटना पारिवारीक भएको दावी गर्दै आएको थियो ।

व्यापारी इन्द्रचन्द डाँगाको श्रीमति र बुहारीको हत्यालाई प्रहरीले ‘पारिवारिक’ झमेलासंग जोडेर अनुसन्धान थालेको थियो । डाँगाको श्रीमति दिपा निरौला र बुहारी अस्मिता भट्टराईलाई निधानरमा गोली प्रहार गरी चैत ४ गते हत्या गरिएको थियो ।