दिनेश यादवले अधिकार दुरुपयोग गर्दै एक कर्मचारी करारमा नियुक्त गरे।

विराटनगर कात्तिक २४ गते।
नेपाल आयल निगम क्षेत्रीय कार्यालय विराटनगरका विवादास्पद कार्यालय प्रमुख दिनेश यादवले अधिकारको दुरुपयोग गर्दै एक कर्मचारीलाई करारमा नियुक्त गरेका
छन् ।

क्षेत्रीय प्रमुखको अधिकार क्षेत्र भित्र नपर्ने पदमा
 उनले नियुक्ती दिएर झापा स्थित निगमको चारआली डिपोमा पठाएका हुन् । मोरङ बेलवारी घर भएकी इन्दिरा दाहाललाई यादवले वरिष्ठ सहायक ५ औं तहमा एक वर्षकालागि सेवा करारमा नियुक्त गरेको पत्र दिएका छन् ।

त्यसको जानकारी चारआली स्थित डिपोमा पनि पठाएका
छन् । कानुन विपरित नियुक्त गरी हाजिर गर्न दाहाललाई
झापा पठाएपनि चारआली डिपोले उनलाई हाजिर नगराई फर्काइदिएको छ । निगमका कार्यकारी निर्देशक गोपाल
बहादुर खड्काको निर्देशनमा यादवले दाहाललाई करार सेवामा नियुक्त गरेको बताइएको छ ।