सिलिण्डरबाट ग्यास लिक भई आगोलागी हुदा बृद्धको मृत्यु

मोरङ, मंसिर २२ गते । रातो तारा डट कम,मोरङको बिराटनगर महानगरपालिका २ सनिहाट चोक नजिकै सिलिण्डरबाट ग्यास लिक भई आगोलागी हुदा एक जना बृद्धको मृत्यु भएको छ । काठमाण्डौमा परिवार सहित बस्दै आएका बर्ष अंदाजी  ७०,७५ को जय प्रसाद दहाल शनिबार बेलुकी बिराटनगर स्थित आफ्नै घरमा आएर बसेकोमा आज बिहान साढे ९ बजे सम्म पनि कोठाको ढेका नखोलेपछी र कोठाबाट धुवा बाहिर आएको देखेर कोठा भाडामा बस्ने ब्यक्तीहरुले तत्काल प्रहरीमा खबर गरेका थिए । खबर प्राप्त हुनसाथ घटनास्थलमा पुगेको वडा प्रहरी कार्यालय विराटनगरको प्रहरी टोलीले निज जय प्रसाद दहाललाई कोठा भित्र जलेर मृत्यु भएको अवस्थामा फेला पारेको थियो । घटना सम्बन्धमा थप अनुसन्धान कार्य भई रहेको जिल्ला प्रहरी कार्यालय मोरङले जनाएको छ ।