ग्रेडेड सेकेण्डरी स्कूल र कान्तिपुरले २८ औ वाल दिवश मनायो

विराटनगर, भदौ ३० गते । रातो तारा डट कम,विराटनगर–८ मा रहेको ग्रेडेड सेकेण्डरी स्कूलले २८ औ वाल दिवश मनाएको छ ।  स्कूलमा एक कार्यक्रमको आयोजना गरी वालदिवश मनाएको हो ।

वाल दिवशको अवसरमा स्कूलमा स्कूलमा अध्ययनरत विद्यार्थीहरुले विभिन्न नृत्य, नाटक, गायन तथा  सार्वजनीक भाषणलगायतको प्रतियोगीता भएको स्कूलका प्रिन्सिपल प्रेमसिंह सुवालले बताए । विजेताहरुलाई पुरस्कार तथा प्रमाण पत्र वितरण गरीएको स्कूलले जनाएको छ ।

 कान्तिपुर सेकेण्डरी स्कूलले वाल दिवश मनाएको छ । स्कूलले आज एक कार्यक्रम आयोजना गरी मनाएकोछ   कक्षा ९ का विद्यार्थी अपर्ना कर्ण र ध्रुवजी गुप्ताले वाल दिवश भने शिर्षकमा नेपाली र अंग्रेजीमा वक्तब्य दिएर कार्यक्रमको उद्घाटन गरेका थिए ।

कार्यक्रममा विभिन्न जात जतिको भेषभुषामा आएका स साना वालवालिकाहरुद्धारा केक काटी मनाएका थिए । विद्यार्थीलाई विभिन्न जात जातिहरुको भेषभुषाको विषयमा जानकारी गराउने उदेश्यले जातिगत पोशाक लगाएका विद्यार्थीहरुले फेशन शो समेत गरेका थिए ।

स्कूलमा अध्ययनरत विद्यार्थीहरुले नृत्य , फेशन शो तथा विभिन्न खेलकुदको आयोजना गरेको स्कूलका भाईस प्रिन्सिपल देविलाल महतोले जानकारी दिए ।