राष्ट्रिय सभामा आज मिडिया काउन्सिल विधेक पेस हुने

काठमाण्डौ भाद्र १२ गते । रातो तारा डट कम,सरकारले ल्याएको मिडिया काउन्सिल विधेयक आज राष्ट्रिय सभामा पेस गर्दैछ । राष्ट्रिय सभाको आज बस्ने बैठकमा सञ्चारमन्त्री गोकुल बाँस्कोटाले विधेयक पेस गर्नुहुने कार्यसूची तय गरिएको छ । नेपाल पत्रकार महासंघले उक्त विधेयकका प्रावधानहरूले प्रेस स्वतन्त्रतालाई कुण्ठित पार्ने भन्दै चरणबद्ध आन्दोलन गरेको भएपनि सरकारले विधेयक पेश गर्ने तयारी गरेको हो । वैशाख २७ मै राष्ट्रिय सभाको सचिवालयमा दर्ता भएको उक्त विधेयक महासंघकै विरोधका कारण अगाडि बढ्न सकेको थिएन । नेकपाका नेताहरूले विधेयक सच्याइने प्रतिबद्धता व्यक्त गरेपछि महासंघले आन्दोलन स्थगन गरेको थियो ।