अवैध काठ बरामद

झापा,माघ ५ गते।
झापाको शनिअर्जुन-५ स्थित खेमराज खरेलको घरबाट प्रहरीले मंगलबार ३१ थान सखुवाको गोलिया बरामद गरेको छ।

साँझ ५ बजेतिर खरेलको नवनिर्मित घरमा अवैध रुपमा काठ छ भन्ने विषेश सुचनाको आधारमा इलाका प्रहरी कार्यालय अनारमनिबाट खटिएको प्रहरीको टोलीले उक्त काठ बरामद गरेको हो।

प्रहरीले बरामद काठ सहित खरेललाई नियन्त्रणमा लिई थप अनुसन्धान भइरहेको उक्त कार्यालयले जनाएको छ।