अहिलेको सरकार दम्भ र अहंकारले मातियो

काठमाण्डौ बैशाख २६ गते । रातो तारा डट कम,नेपाली काँग्रेसका वरिष्ठ नेता रामचन्द्र पौडेलले दुई तिहाईको दम्भले वर्तमान सरकारले अहंकार युक्त सोच राखेको आरोप लगाउनु भएको छ । काँग्रेस राष्ट्रिय जागरण अभियानका शिलशिलामा तराईका जिल्लामा जाने क्रममा २५ गते सिन्धुलि पुग्नुभएका नेता पौडेलले नेपाल प्रेस युनियन सिन्धुली शाखाले गरेको पत्रकार भेटघाट यस्तो आरोप लगाउनु भएको हो । नेता पौडेलले वर्तमान प्रधानमन्त्री केपी शर्मा ओलीको अभिव्यक्तिहरु एकलौटी ढंगको र कसैलाई मान्छे नगन्ने खालको भएको बताउनुभयोे । प्रधानमन्त्री केपी शर्मा ओलीका अभिव्यक्ति कसैलाई मान्छे नगन्ने प्रकारका भएको टिप्पणी गदैँ नेता पौडेलले देशको नेतृत्व जस्ले चलाई रहेको छ, राष्ट्र जस्को हातमा छ, त्यस्तो व्यक्तिले यस्तो अभिव्यक्ति दिन नसुहाउने नेता पौडेलको भनाइ छ । कार्यक्रममा नेपाली काँग्रेसका नेता रामशरण महतले सरकार केन्द्रिकृत मानिसिकताले अघि बढी रहेको आरोप लगाउनु भयो । उहाँले सरकारले पास गरेको निति तथा कार्यक्रम आकांक्षा बाडेर सपना देखाउने मात्र भएको पनि धारणा राख्नुभयो ।