आज पनि पानी पर्ने–आइतबारबाट मात्रै मौसममा सुधार

काठमाण्डौं,माघ २५ गते । रातो तारा डट कम,पश्चिमी वायुको प्रभावले काठमाडौँ उपत्यकासहित देशका विभिन्न ठाउँमा वर्षा र पहाडी भूभागमा हिमपात भइरहेको छ । आज पनि पहाडी भागमा पानी पर्नेछ ।

पश्चिमी वायुको प्रभाव हिजो मौसम पूर्ण रुपमा बदली भई तराईका केही स्थानमा हल्का वर्षा र हिमाली क्षेत्रमा हिमपात भइरहेको जल तथा मौसम पूर्वानुमान महाशाखाले जनाएको हो । पर्सी आइतबारसम्म मौसम खराब रहने र आइतबार दिउँसोबाट सुधार हुने मौसमपूर्वानुमान महाशाखाले जनाएको छ ।

देशका अधिकांश उच्च पहाडी तथा हिमाली क्षेत्रमा हल्कादेखि मध्यम स्तरको हिमपात भइरहेकाले भोलि पनि यस्तै स्थिति हुने र पर्सी देखि बिस्तारै मौसम सुधार आउने सम्भावना रहेको मौसमविद गंगा नगरकोटीले जानकारी दिनुभयो ।