इस्लाम धर्मका प्रवर्तक हजरत मोहम्मदको जन्मोत्सव अर्थात मोहम्मद डेका अवसरमा महानगर क्षेत्रभित्र सार्वजनिक विदा दिने निर्णय गरिएको निमित्त प्रमुख प्रशासकीय अधिकृत रामप्रसाद ढुङ्गेलद्वारा हस्ताक्षरित सूचनामा उल्लेख छ ।
ढुङ्गेलका अनुसार अत्यावश्यक सेवाबाहेक महानगरअन्तर्गतका सम्पूर्ण कार्यालय बन्द रहनेछन् ।
मेयर कोइरालाको अष्ट्रेलिया भ्रमणलाई औपचारिक बनाउँदै उपमेयर शिल्पा निराला कार्की, निमित्त प्रमुख प्रशासकीय अधिकृत रामप्रसाद ढुङ्गेललगायत महानगरका कर्मचारीहरूले काठमाडौं प्रस्थानअघि कार्यालयमा विदाई गरेका थिए ।
महानगरपालिकाका अनुसार अष्ट्रेलिया बसाइका क्रममा मेयर कोइरालाले विराटनगर–८ मा सञ्चालनको तयारी भइरहेको अनाथाश्रमका लागि आवश्यक सहकार्य र स्रोत परिचालनमा पहल गर्नेछन् । यस विषयमा अष्ट्रेलियामा रहेका नेपाली समुदाय, सामाजिक संस्था तथा सम्भावित दाताहरूसँग छलफल गरिने जनाइएको छ ।
मेयर कोइराला यसअघि इजरायलको भ्रमणमा समेत गएका थिए । त्यहाँ उनले कृषि, पूर्वाधार तथा सहरी विकासका विविध पक्षमा अध्ययन भ्रमण गरेका थिए । इजरायल–इरान युद्धका कारण मेयर कोइराला भ्रमण छोट्याएर फर्किएका थिए ।
अष्ट्रेलिया भ्रमणमा उनले सिड्नी, मेलबर्नलगायतका सहरहरूमा आयोजना हुने विभिन्न अन्तरक्रिया, सम्मेलन तथा भेटघाट कार्यक्रममा भाग लिने कार्यक्रम रहेको छ । विशेषगरी अष्ट्रेलियामा रहेका नेपालीहरूबीच विराटनगरको समग्र विकासका लागि सहयोग जुटाउने उद्देश्यका साथ उनले आफ्ना प्रस्तावहरू राख्ने मेयर कोइरालाको सचिवालयले जनाएको छ ।
विराटनगर महानगरपालिका वडा नम्बर ११ ले आयोजना गरेको कार्यक्रममा कार्यक्रमकी प्रमुख अतिथि विराटनगर महानगरपालिकाकी उपमेयर शिल्पा निराला कार्की, विशिष्ट अतिथि पूर्व उपमेयर इन्दिरा कार्की, महानगरका प्रमुख प्रशासकीय अधिकृत योगेन्द्र दुलाल, वडाध्यक्ष तीर्थेन्द्र नेउपाने,
पूर्ववडाध्यक्ष केदारबहादुर बस्नेत, समाजसेवी चन्द्रमणि नेउपानेलगायतले संयुक्त रुपमा विमोचन गरेका थिए ।
अग्रज पत्रकार यज्ञ शर्मा र लेखक निर्मल तामाङको लेखन तथा सम्पादनमा तयार पारिएको पुस्तकभित्र वडाभित्रको राजनीतिक, आर्थिक, सामाजिक, धार्मिक, साहित्यिकलगायतका विषयहरु समावेश गरिएको छ ।
कार्यक्रमलाई सम्बोधन गर्दै उपमेयर शिल्पा निराला कार्कीले पुस्तक प्रकाशन गरेकोमा वडाका सबै टिमलाई बधाई तथा धन्यवाद दिइन् । वडाको समग्र पक्षलाई समेटेर पुस्तक प्रकाशित भएको उनको भनाइ थियो । पूर्वउपमेयर इन्दिरा कार्कीले ऐतिहासिक दस्तावेजका रुपमा पुस्तक आएको चर्चा गरिन् । प्रमुख प्रशासकीय अधिकृत योगेन्द्र दुलालले वडाबारे जानकारी लिन चाहनेका लागि पुस्तक निकै उपयोगी हुने उल्लेख गरेका छन ।
वडा नम्बर १ का अध्यक्ष काजीबहादुर बस्नेत, ८ का राम पोखरेल, १० का अर्जुन गिरी, १५ का प्रकाश साह, १९ का श्याम घिमिरेलगायतका विभिन्न वडाका अध्यक्षहरुको समेत उपस्थितिमा भएको कार्यक्रममा समाजसेवी रामबाबु पासवान, जनपथ मावि विद्यालय व्यवस्थापन समितिका अध्यक्ष रोहित कोइराला, वडाका पूर्वअध्यक्ष केदारबहादुर बस्नेत, नेकपा एमाले विराटनगर महानगर समितिका अध्यक्ष बलराम गिरी, नेपाली कांग्रेस विराटनगर महानगर समितिकी सचिव झुमा निरौला, पुस्तकका लेखक यज्ञ शर्मालगायतले शुभकामना मन्तव्य व्यक्त गरेका थिए । सोही अवसरमा वडाको वेभसाइटसमेत सार्वजनिक गरिएको थियो ।
