वृहत सांस्कृतिक कार्यक्रमको आयोजना गरिने

शिव भट्टराई सुनसरी बैशाख २६ गते । रातो तारा डट कम,
किरात साँस्कृतिक कला केन्द्रले यही वैशाख २८ गते विभिन्न जातजातिका सांस्कृतिक पहिचान झल्कने वृहत सांस्कृतिक कार्यक्रमको आयोजना गर्ने भएको छ ।

नयाँ वर्ष २०७६ र उभौली चाडको अवसर पारेर वृहत सांस्कृतिक कार्यक्रमसहित शुभ कामना आदान प्रदान कार्यक्रम गरिने आयोजकले जनाएको छ । आफ्नो मौलिकता,संस्कृतिलाई भावी सन्ततीहरुले पहिचान गरि जगेर्णा गरुन भन्ने उदेश्यले सांस्कृतिक कार्यक्रमको तयारी गरेको केन्द्रका अध्यक्ष ज्ञान किरातीले बताउनु भयो ।

उक्त कार्यक्रममा जेवि टुहुरे,शम्भु राई,शुवर्ण हमानल,कन्काईष्ट राई,लिला राई,हिरण राई,समपर्ण चौधरी लगायतका कलाकारहरुको प्रस्तुति रहने अध्यक्ष किरातीले बताउनु भयो । उभौलीका अवसरमा कार्यक्रमको आयोजना हुने भएपनि विभिन्न जातजाति भाषाभाषिका गित संगित र नृत्य समावेश हुने जनाइयो । प्रदेश नं. १ का मुख्य मन्त्री शेरधन राईको प्रमुख आतित्यथामा कार्यक्रम सञ्चालन हुने जनाईएको छ ।