ट्रिपर दुर्घटनामा सह-चालकको मृत्यु

भोजपुर, पौष १४ गते । रातो तारा डट कम,भोजपुरको भोजपुर नगरपालिका-३ बलौटे भन्ने स्थानमा शुक्रवार ट्रिपर दुर्घटनामा परि सह-चालकको मृत्यु भएको छ ।

भोजपुर-खोटाङ सडक खण्डमा भोजपुरवाट गुप्तेश्वर जाँदै गरेको को १ ख ५८९७ नम्बरको ट्रिपर अनियन्त्रित भई साँझ साढे ६ बजे सडकबाट ३ सय मिटर तल खसेको थियो ।

दुर्घटनामा परि सोही ट्रिपरका सह-चालक  भोजपुर नगरपालिका- ४ वस्ने वर्ष १५ को रविन खत्रीको घटनास्थलमा नै मृत्यु भएको जिल्ला प्रहरी कार्यालय भोजपुरले जनाएको
छ । ट्रिपर र चालकलाई प्रहरीको नियन्त्रणमा राखिएको उक्त कार्यालयले जनाएको छ ।