सवालाख हनुमान चालिसा पाठ तथा धान्याचल महोत्सवको आयोजना हुने

बिराटनगर,चैत २६ गते । रातो तारा डट कम,मोरङको बुढिगंगा गाउँपालिका वडा नम्वर ३ मा रहेको श्री राम जानकी मन्दिर कै श्री हरि आध्यात्मिक गुरुकुलमा यही चैत २९ गते देखि बैशाख ८ गते सम्म सुख शान्तिका र गुरुकुल अक्ष्यया कोषका लागि सवालाख हनुमान चालिसाको तथा धान्याचल महोत्सवको आयोजना हुने भएकोछ ।

यो पाठ दैनिक बिहान ८ बजेदेखि बेलुका ६ बजे सम्म र साँइा ६ बजे देखि ९ बजे सम्म कथा,भजन,किर्तन,हुने छन ।

पुराण आयोजक समितिले आज बिराटनगरमा पत्रकार सम्मेलन गरेर दिएको जानकारी अनुसार यो समय भरी भारतको श्री अयोध्या धामबाट पाल्नु हुने मानस मर्मज्ञ प्रखर कथावाचक आचार्य मधुसूदन ज्यूका मुखरविन्दवाट सुमधुर संगीतमय रामायण,कथा हनुमा चालिसा वाचन हुने छन ।

गुरुकुल बिधालय अक्षय कोषको रकम रु २१ हजार भन्दा माथि राखिने छ भने हनुमान चालिसा पाठ गर्न थोरै सुल्क लिएर आफु खुसि पाठ गर्न पाउने व्यावस्था मिलाएको जानकारी गराईएकोछ ।

गुरुकुलमा २० जनाको कोटा भए पनि हाल १० जनाले मात्र अध्यान गरिरहनु भएकोले जुनसुकै जात थर का बालबालिकाहरुले यहाँ अध्यायान गर्न पाउने भएकाले समयमै नाम दर्ताका लागि आयोजक समितिले पत्रकार सम्मेलनबाटै आवाहन समेत गर्नु भएकोछ ।