तरुणदलका कार्यकर्ताले गरे विरोध प्रदर्शन

काठमाण्डौ असोज ११ गते । रातो तारा डट कम,नेपाली काँग्रेसका सभापति शेरबहादुर देउवाविरुद्ध काँग्रेस भ्रातृ संगठन तरुणदलका कार्यकर्ताले विरोध प्रदर्शन गरेका छन् । तरण दलका तत्कालीन महासचिव भुपेन्द्रजंग शाही समूहले पार्टी कार्यालय सानेपामा प्रदर्शन गरेको हो । उनीहरुले तरुण दलका अध्यक्ष जीतजंग बस्नेतको राजीनामा माग्दै प्रदर्शन गरेका हुन् । बैठकमा म्याद सकिएका भ्रातृ तथा शुभेच्छुक संस्थाको अधिवेशन, विधान निर्माण तथा परिमार्जन, एकरूपता, नयाँ निवेदन परेका भ्रातृ, शुभेच्छुक, जनसम्पर्क समितिका विषयमा निर्णय गर्ने नेताहरुले बताएका छन् ।