मारुतीको ठक्करबाट १ घाइते

बिराटनगर, कार्तिक १२ गते । रातो तारा डट कम,
मोरङको ग्रामथान गाउँपालिका-५  स्थित मसाल चौकमा आइतबार दिउँसो मारुतीको ठक्करबाट मोटरसाईकलमा सवार १ जना घाइते भएका छन् ।

बिराटनगर-विराटचौक सडक खण्डमा उत्तरबाट दक्षिण तर्फ जाँदै गरेको को. १ च. ४५०६ नम्बरको मारुती भेनले बाटो काट्दै गरेको अवस्थामा को. ५ प. ६६९१ नम्बरको मोटरसाइकललाई ठक्कर  दिएको थियो ।

ठक्करबाट मोटरसाइकल चालक सोही गाउँपालिका-७ बस्ने वर्ष २४ को मनोज चौधरी घाइते भइ उपचारको लागि गोल्डेन अस्पताल बिराटनगर पठाईएको छ । मारुती र चालकलाई प्रहरीको नियन्त्रणमा राखिएको जिल्ला प्रहरी कार्यालय मोरङले जनाएको छ ।