लागूऔषध सहित १ पक्राउ

मोरङ, कार्तिक १३ गते । रातो तारा डट कम,मोरङको बिराटनगर महानगरपालिका-१५ स्थित हुलास मेटल चौकबाट प्रहरीले आइतबार लागूऔषध सहित १ युवकलाई पक्राउ गरेको छ । इलाका प्रहरी कार्यालय रानीबाट खटिएको प्रहरीको टोलीले लागूऔषध लुपिजेसिक-१५ एम्पुल, एभिल- १५ एम्पुल, डाईजेल्याब-१५ एम्पुल र फेनारगन-१५ एम्पुल सहित बेलबारी नगरपालिका-२ बस्ने १८ बर्षीय दिनेश माझीलाई पक्राउ गरेको हो ।

 दिउँसो पौने ३ बजे भारतबाट नेपाल तर्फ आउँदै गरेका माझीलाई शंका लागि चेकजाँच गर्ने क्रममा पाइण्टको गोजीमा लुकाई छिपाई राखेको अवस्थामा उक्त परिमाणको लागूऔषध बरामद गरेको हो । बरामद लागूऔषध सहित माझीलाई इलाका प्रहरी कार्यालय रानीमा राखी थप अनुसन्धान भईरहेको उक्त कार्यालयले जनाएको छ ।