६३ औं प्रहरी दिवस मनाउदै

(फायलफोटो)
मोहन कुमार राई- असोज १० गते । रातो तारा डट कम,
संखुवासभा, ६३ औं प्रहरी दिवसको अवसरमा नेपाल प्रहरीको विशेष पहल अन्तरगत माध्यमिक विद्यालय स्तरी श्रृजनात्मक निवन्ध प्रतियोगीता गरेर जिल्लाको खाँदवारी स्थित बरुण बहुमुखी क्याम्पसको सभाहलमा सम्पन्न भएको छ ।

दिवसको अवसरमा जिल्लाका १७ बढी माध्यमिक विद्यालयहरुका कक्षा ९ देखि कक्षा १२ सम्मका २५ जना छात्र÷छात्रा विद्यार्थीहरुले निवन्ध लेखन प्रतियोगितामा भाग लिएको सो कार्यक्रममा  हाल नेपालमा मोवायल, विभिन्न सामाजिक सञ्जालमा फैलिएको विकृति, महिला हिंसा, लैंङ्कि हिंसा, घरेलु हिंसा, यौन जन्य हिंसा लगायतका सिंसाहरुलाई न्युनिकरण गर्ने उदेश्यले प्रतियोगिताको आयोजना गरीएको जिल्ला प्रहरी कार्यालय संखुवासभाका प्रहरी नायव उपरीक्षक श्यामकुमार सारु मगरले बताउनुभयो।

 “यौनजन्य हिंसाः कारण रोकथाम र नागरिकको भूमीका” विषयक निवन्ध लेखन प्रतियोगितामा ३ सदसीय निर्णायक प्रतिनिधि मण्डलका समितिमा हिमालय मावि खाँदवारीका ताराबहादुर बुुढाथोकी संयोजक, बरुण बहुमुखी क्याम्पसका लक्ष्मी ढुंगाना, जिल्ला प्रहरी कार्यालय संखुवासभाका प्रहरी निरीक्षक अर्जुन पोखरेल सदस्य एवं समन्वय  अधिकृत रहेको डिएसपी सारुमगरले जानकारी दिनुभयो । निर्णयमण्डलका संयोजक बुढााथोकीले निवन्धमा हुनु पर्ने तत्वहरुको बारेमा जानकारी समेत दिनुभएको थियो ।

वि.सं. २०१२ सालमा प्रहरी ऐन वनेसगै यो ६३ औै प्रहरी दिवसको अवसरमा गरिएको सो प्रतियोगिताको नतिजा प्रकाशन भने १५ गते  जिल्लाका विभिन्न एफएम मार्फत प्रसारण गरिने र जिल्लामा प्रथम हुनेलाई ५ हजार र द्धितीय हुनेलाई ३ हजार नगद पुरास्कारले पुरस्कृत गरिने ।

सो जिल्ला स्तरको प्रतियोगितामा छनौट भएका दुई जना प्रतियोगितको निवन्ध प्रदेश स्तरमा पठाईने र प्रदेश स्तरमा प्रथम भए प्रथमलाई १० हजार र द्धितीय हुनेलाई ७ हजार नगदले पुरस्कृत गरिने समेत डिएसपी सारुमगरले वताउनु
भयो ।