ट्रकमा ठोक्किएर मोटरसाईकल चालकको मृत्यु

झापा,असोज ९ गते । रातो तारा डट कम,
झापाको बिर्तामोड नगरपालिका-२ स्थित पूर्व पश्चिम राजमार्गमा रोकी राखेको ट्रकमा ठोक्किएर सोमबार १ जनाको मृत्यु भएको छ ।

बेलुका पौने ९ बजेको समयमा पूर्व बाट पश्चिम तर्फ जादै गरेको WB59A7354 नम्बरको ईण्डियन ट्रक धर्मकाटामा रोकेको अबस्थामा सोही दिशा तर्फ जादै गरेको मे८प ६५७९ नम्बरको मोटरसाईकल आफै अनियत्रित भई ट्रक पछाडी ठोक्किएको थियो।

ठक्करबाट गम्भिर घाईते भएका मोटरसाईकल चालक जिल्ला झापा कन्काई नगरपालिका-१ बस्ने बर्ष ३३ को मिन बहादुर डाँगी र पछाडी सवार नामथर वतन नखुलेको ब्यक्ति लाई उपचारको लागी बि एण्ड सी अस्पताल पठाईएकोमा उपचारको क्रममा ऐ. सवा १० बजे मोटरसाईकल चालकको मृत्यु भएको जिल्ला प्रहरी कार्यालय झापाले जनाएकोछ।

ट्रक र चालक भारत भालुगढ बस्ने बर्ष २३ को मुकुन्द महातुलाई अनुसनधानको लागी ईलाका प्रहरी कार्यालय अनारमनीको नियन्त्रणमा राखिएको छ।