लिम्चुङबुङगमा चट्याङ्ग लागेर ३ जनाको मृत्यु

श्याम राई÷उदयपुर-गाईघाट, जेष्ठ१७ गते । रातो तारा डट कम,उदयपुरको लिम्चुङबुङग गाउपालिका वडा न. २ ताम्लिछामा विहीबार साँझा चट्याङ्ग लागेर ३ जनाको मृत्यु भएको छ भने १ जना गम्भिर रुपमा घाईते भएका छन् ।

घरको दलानमा बसिरहेको अवस्थामा ६३ वर्षिय धनप्रताप राई, कृष्ण वहादुर भुजेलकी ८ वर्षिया छोरी विष्णुमाया भुजेल र खडु भुजेलका ११ वर्षिय छोरा कौशल भुजेलको मृत्यु भएको जिल्ला प्रहरी कार्यालय उदयपुरले जनाएको छ ।

चट्याङ्ग लागेर खडुकै ६ वर्षिय छोरा रिजक गम्भिर रुपमा घाईते भएकोले उपचारको लागि गाईघाटतर्फ ल्याउँदै गरेको एस.पी. नवराज भट्टले बताए ।

साँझा पख पानी परेसँगै परेको चट्याङ्ग लागेर घरको दलानमा बसिरहेको बेला उनीहरुको घटनास्थमै मृत्यु भएको अस्थायी प्रहरी पोष्ट बराहाले जनाएको छ ।