चार प्रजातिका उखु खरिद नगर्ने

कलैया, फागुन १५  गते । रातो तारा डट कम, बारा मनहर्वा्स्थित रिलायन्स सुगर एण्ड केमिकल उद्योगले चार प्रजातिका उखु खरिद नगर्ने भएको छ । उद्योगका प्रबन्धक मनोज पौदारले सार्वजनिक सूचना जारी गरी उद्योगले आर्थिक वर्ष ०७५÷०७६ देखि सिओएस ९१२६९, सिओ ०२३५, सिओएसआई ९६२६८ र ९२४२३ प्रजातिका उखु खरिद नगर्ने जनाएको छ ।

चिनी उत्पादनमा कमि आउने भएकाले उक्त प्रजातिका उखु खरिद नगर्ने सो उद्योगले जनाएको छ । उक्त प्रजातिका उखुको खेती नगर्न र नगराउनसमेत सम्बन्धीत निकाय र कृषकलाई सूचनामार्फत अनुरोध गरिएको छ । सूचनामा भनिएको छ–“उक्त प्रजातिका उखुको खेती गरेमा उद्योग जिम्मेवार हुने छैन् ।”